دحــيم المصرقــع - منتدى الطائف - منتديات اهل الطائف

2008-09-05, 10:56 AM

دحيم المصرقع
في أحد فيكم قد حضر عرس عرابجة..
.. تعالوا نشووف دحيم المصرقع وش سواا
المواصفات :
الاسم / دحيم الدلخ ..
العمر / منولد في سنة الطفره ..
الشكل / قزم ودب واقرع و وجهه كله خدود ومافيه عيون ..
باختصار.. يحوم الكبد ..
الولد دحيم داشر 24 ساعه مشاكل وتفحيط وخرابيط
المهم ..ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه.. حصه !!!
عاد حصه خبله مثله ..
المهم يوم جاء العرس ولا دحيم طالع مع اخوياه لثمامه يطعسون وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه ..
الاب: جعل تطلع روحك بلا تعال اليوم عرسك !!
دحيم : طيب العرس في اليل يمديني ارجع المغرب ..
الاب: اقول امش جعلي امشي العصى على ظهرك ..
دحيم : طيب خلاص جاي ..
ويقفل التلفون ..
المهم.. ويجي دحيم ويلبسونه الخبل ناوي يروح بقميص نوم ..
المهم ويمسكونه اخوانه ويلبسونه ويودونه للقصر ..
>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في
الاستراحه يلعب بلوت ..
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم
واشرب شاهي ( والله منسم مررره)..
ويلقطه اخوه ويجلسه على الكرسي ..
ويجونه الناس يسلمون ..
المعازيم : مبرووك منك المال ومنها العيال ..
دحيم : هلا ايه طيب يكون خير والله ما عندي ولا فلس..
(قايل لكم موب وجه زواج)
المهم ويدخلونه على الحريم .. يوم دخل .. وهو الي يفتح كشرته ( ابتسامه عريضه)
ويناظر في ذا البنات ..
المهم.. يوم طقو الطقاقات الا وهو يطمر ويرقص سامري ..هههههههههه
ويسحبه ابوه ويقول اركد لا تفشلنا!!!!
المهم ويجلسه على الكرسي ..
وتجي وحده ترقص عنده.. وهو الي يضحك عليها ويقول اوووووه ما تعرفين ترقصين يا الدبه ..
وانواع الاستهبال المشكله الي ترقص امه مسيكينه تبي تفرح به ما درت انه ما يستاهل ..
المهم.. ويقومون البنات يرقصون عنده وهو يناظر يقول عاشوا والله عاشوا ..
الا وابوه يصفقه على جبهته ..
دحيم :طيب خلاص ..
المهم.. يوم خلصوا وهو ياخذ العروس ويركبون السياره ..
المهم ما درا الا تقوم حصيصه وتقول ما بغينا نطلع ..اقول ما عندك شريط كسرات ( شعبي) بشير شنان
يعني؟( هههههههههه)
ملينا من ذا الطقاقات ازعجوني ..
الا وهو ينبسط على حرمته خبله مثله ..
المهم وتقول له .. حصيصه : دحيم ابسالك سؤال؟ دحيم: اسالي !!!!!
حصيصه : انت الحين تعرف تفحط ؟؟؟
دحيم : اكيد ..انا احسن واحد يفحط.. ( مسوي فنان عندها.. وهو ما عنده ما عند جدتي) حصيصه : يالله
ورني ابي اشوفك تفحط ... دحيم ( توهق)
دحيم : خليها بعدين موب اليوم.. ( يبي يصرف)
حصيصه : افا شكلك ما تعرف هههههههههههاي
دحيم : اوريك من الي ما يعرف..
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
الزياره من 9 الى 12 ظهرا و 5 الى 9 مساء ..
============================
ههههههههههههههههههههه.. ان شاءالله تهنيتوا بالعرس ..
منقووووووووووووووول للفرفشه

2008-09-05, 07:19 PM

ونـــــأســه قصــم بـ الله الله يرجه هـو وحــرمته

بقـــوووهـ دلخ

يعطيـــك الف الف عــأفيــه علىآ المـــوووضوع

<< تستــأنس علىآ الدلـــوخ

تقبلـــي مــروري حبيــبة قلبـــي

2008-09-05, 07:27 PM

هههههههههههههههههههههههههههههههههههههههههههههههههه هه

< فاطسه زحك

الله يسعدك سكره

وش هالطرح الزين

الله لايحرمنا من اطروحاتك

تحيــــــــــاتي,,,

2008-09-06, 08:59 AM

ههههههههههههههههههههههههههههههههههههه
يستاهل وش هالخبالة اللي فيه
الله يديم الضحكة عالجميع

2008-09-07, 12:52 AM

هههههههههههههههههههههه

وربي مصرقع هو زوجته

دلووووووووووووووخ

ههههههههههههههههههه

يسلمووووووووو

موضوع رائع وسعتي صدورنا

الله يوسع صدرك

هههههههههههههههه

2008-09-08, 10:32 PM

مـــشكورهـ على مروركم الرائع وجعل ربي يديم هذي الزحــكه يـــاحــبي لكم بــس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

شات عالم الرومانسية	شات الكويت 29	شات عسل	شات قلوب السعودية	شات سارق القلوب
	شات خليجي	شات الحوية	شات شوق البحرين	شات صوتي

الذين يشاهدون محتوى الموضوع الآن : 1 ( الأعضاء 0 والزوار 1)